Huglo fått si eiga offisielle nettside: www.huglo.net kor øya og det som skjer der vert omtala. Det er Huglo Bygdalag som står bak publikasjonen, og sjølv om den ikkje er heilt ferdig endå ser det veldig bra ut så langt. Håpar dei som står bak legg til rette for at det kan verta ei dynamisk side som både turistar, fastbuande og utflytta huglarar kan ha nytte av. Eg tilhøyrer vel den siste kategorien.
Det står litt av kvart om Huglo på Internett frå før, sikkert mykje meir enn det eg klarar å finna. Eit søk med Google Blogsearch etter Huglo i asbjorns blogg kan jo vera interesant nok for dei som orkar prøva, det står også ein god del om Huglo på pappa si heimeside. På nettleksikonet Wikipedia er det allereide lagt inn ein artikkel om Huglo, så her er det berre for andre skrivelystne å fylgja opp med meir stoff. Ellers gjev eit generelt søk på norske nettstader etter Huglo svært mange treff - det er tydeleg at det skjer litt av kvart på øya.
Ingen kommentarer:
Legg inn en kommentar